حب من طرف واحد

انا بقى ليا راى تانى خالص
فيه طبعا حب من طرف واحد وعلى فكره بيبقى حب جامد جدا ولو الطرف التانى حس بحب الاولانى ولو حتى بعد مده حيحبه جدا لان الانسان اللى بيحب من طرف واحد بيحب بطريقه جامده قوى ويوم لما يلاقى الفرصه لمصارحة الطرف التانى بيبقى ليه طابع تانى عارفين يعنى ايه واحد يحبك حب جامد وانت مش تعرف يخاف عليك وانت مش عارف يبكى عليك لو تعبت وانت مش عارف وحاجات تانيه كتير ويتمناك وانت مش عارف بيفهمك من نظرة عنيك وانت مش عارف وانت فاكر ان مفيش حد بيحبك ان مفيش حاسس بيك ده على فكره بيبقى احساس جامد بس لازم تحطو نفسكو فى المواقف عشان تحسوه
اما بقى ازاى يبقى من طرف واحد بيبقى ليه اسباب كتير قوى يعنى مثلا ممكن تكون بنت وعندها حياء انها تروح وتقوله ثانيا ممكن يكون الطرف اللى بيحب شايف حبيبه بيحب حد تانى ممكن يكون بيحبه بس فيه فروق فى المستوى اذا كان تعليمى او اجتماعى او فروق فى التفكير وهكذا وممكن يكون عنده اعتزاز بنفسه وخايف ينجرح او يكون حاسس بانه مش بيهتم بيه وخايف يبحلوه يجرحه او ممكن يكون بيبينله بس الطرف التانى مش واخد باله وانتو لو فكرتو فيها كل اتنين حبو بعض فى الاول بيبقى حب من طرف واحد وبعد كده ممكن بتقربو عن طريق التفاهم ملاحظه الطرف التانى اعجاب من الطرف التانى وهكذا بس اللى انا قولته فى الاول بيكون حب من طرف واحد ابدى او بمعنى اصح بيكون فى فتره معينه من حياته ممكن يبعده وممكن يقربه اكتر .