حب على المكشوف

جامد الموضوع يا ادمن بس انا مش شايفه حد يعنى رد طيب انا بقى حرد:
1-ايه معني الحب في نظرك؟
الحب ده ليه معانى كتير قوى وصعب انك تجبلى معنى معين بس اللى اقدر اقوله ان الحب يعنى تضحيه يعنى خوف على الطرف التانى يعنى احساس يعنى حياة يعنى جواز يعنى مستقبل يعنى حاجات كتير قوى معانى كبيره وكتيره مقدرش اقولها كلها لانى بكده حكتب من هنا لغاية اخر عمرى عن الحب.
2-ما هو الرجل المثالي في نظرك وكيف تكسبيه
المثالى بالنسبالى هوه يكون راجل بمعنى الكلمة وقبل كل ده يكون فاهمنى لا بيفرض نفسه عليا بتحكماته ولا يكون بيبنلى انه افضل منى لا يكون مقدرنى قوى ويكون انسان ويحترم اهلى ويحترم رغباتى وسعاتها حيلاقى منى اكتر من اللى حخده منه اما ازاى اكسبه فانى اكون صبوره معاه وافهم معانى كلامه صح ومكونش زيى البنات بتوع اليومين دول اغير واتخانق على حاجات تافه ولا اقعد اكلمه فى حاجات تافهه لان الشباب بيتخنقو من كده واعرف اكسبه بذكائى.
3-تحبي الرجل الغيور ام تنفري منه؟
مش احب الغيور بالقوى يعنى اها دى حاجه تبسطنى بس ميكونش غيور لدرجه تخنقنى لازم يكون زيى ميضايقنيش ولازم يكون فاهم كده امال ازاى المفروض يكون فاهمنى؟
4-لو جرحك حبيبك ممكن تبداي بالسماح حتي ولو هو غلطان وهل ده هيقلل من كرامتك ام لا؟
مش معنى انى سامحته ابقى قللت من كرامتى طبعا لا امال فين التسامح بس قبل كل ده دى بتتوقف على حسب الغلطه ولازم كمان يحس بغلطه ويندم ساعتها اسامحه طبعا بس لازم اعرفه غلطه ومش تقليل كرامه يعنى.
5-تحبي الرجل ذو شخصيه قويه ومتحكم ام تنفري منه؟
اكيد احب الراجل قوى الشخصيه لانى ححس برجولته بس مش يكون متحكم فيه دى صعبه لانى برضه ليا شخصيتى ولازم يكون عارف حاجه زيى كده وانا قولت فى الرجل المثالى انه يقدرنى يبقى ازاى حيقدرنى ويحترم رغباتى وازاى يبقى متحكم؟ فاكيد احبه قوى بس مش متحكم فيه.
6-هل مع زياده المكالمات والمقابلات يحدث ملل ولوحدث كيف تعالجين الموقف؟
هيه فعلا الحكايه دى بتحصل مع اى اتنين بيحبو بعض وبتيجى عليهم فتره وبيحصلهم كده بس لو حصلى كده حطلب منه اننا نبعد شويه عشان نشوف غلاوة بعضينا على بعض بس اكيد مش حسسه باى حاجه ولا حبينله الملل بس لازم اعالج الموقف بشويه ذكاء .
7-هل تحبي الرجل التقيل علي راي سعاد حسني ازاي هتتعاملي مع حبيبك لو هو كده هتحبيه برده ولا هتتقلي عليه ولا هتسيبيه وتبعدي؟
اكيد احب الرجل التقيل بس مش يبقى تقيل بخنقه بالعكس يبقى تقيل يعنى مش على طول حب لا فيه تشويق برضه وده مش بيعمل ملل لكن بيحبنى ومش بيكلم معايا فى الحب دى تبقى صعبه قوى وفعلا ممكن اسيبه بس احذره الاول لو لقيته اتغير اوك حكمل لاكن لو لا يبقى سلام .
8-كيف تعرفي انه يحبك؟
اكيد حعرف قبل اى حاجه من طريقة كلامه واحساسى وبستعمل شويه كده ذكائى وحعرف من تضحياته ومن اللى يقدر يقدمهولى من اثبات لحبه مش هدايا مش تفهمونى غلط
11-كيف تجعليه يشتاقك؟
لا دى اسرار بقى وعلى فكره بتختلف من بنت لتانيه بس عامة اعرف اخليه يشتقالى ازاى اقلها انى مش اديله كل الحب باندفاع ولا مره واحده
12-ما اكثر مايفرحك وتتمني ان يفعله حبيبك؟او يتحلي بيه؟
اكتر حاجه تفرحنى انه يحترمنى فى غيابك وتانى حاجه انه يكون فاهمنى لدرجة انى قبل ما اقول الكلمة هوه يقولها ويفكر فاللى بفكر فيه
13-ماهي حدود علاقه حبيبك بالجنس الاخر ؟وبصديقاتك علي وجه التحديد؟
اكيد انا واثقه فيه وكمان فى اصحابى لو بيحبنى وبيقدرنى فى غيابى اكيد حسيبه براحته لانى حديله ثقه عمياء اما لو فى حد من اصحابى واحده خبيثه مثلا حفهمه وهوه اكيد حيبعد عنها ده لو بيقدرنى .
14-هل الافضل ان تظهري حبك لحبيبك كله ولا تتقلي زي مبيقولوا هل هو له علاقه بالضعف والكبرياء؟ام لا؟
لا طبعا مش ابينله حبى كله مره واحده يبقى صعب قوى ومالهوش دعوه بالكبرياء او ضعف لكن لو عملت كده ده حيبقى حفاظ على حبنا عشان مخلهوش يمل من حبى الزايد او الجارف يعنى شويه كده وشويه كده عشان الشباب بيملو بسرعه لازم اقدر ده كويس لانى برضه احب انه يعمل كده مش على طول يبينلى حبه الجارف لا شويه شويه
15-هل الاعتزار في الحب ضعف؟
مش حعرف اجاوب لانى عايزه توضيح اكتر يعنى ازاى الاعتزاز يبقى ضعف فى الحب ؟ افهمها دى ارجو التوضيح
16-ماهي حدود كرامتك؟
قصدك كرامتى فى الحب لو خانى بتبقى صعبه قوى لانه بكده مااحترمنيش ممكن اغفرله بس لازم يعانى عشان يقدر ياخد سماحى ليه وانى اسامحه عشان يعرف انه اللى عمله ده صعب قوى انه يعمله تانى وانه غلط فيا غلط كبير لكن بقى لو كررها تانى يبقى كده واستوب وطبعا كرامتى برضه تتعبنى لو هانى باى كلام او باى موقف ومفيهاش مسامحه غير مره واحده وبعد عناء لازم يكون عارف كده بس تانى مره مفيش اى مسامحه ولازم اسامح مره لان الحب سماح لحبيبك بس مره لانى لو عملتها تانى تبقى كرامتى ضاعت
17-هل تحبي ان تسمعي كلام الحب من حبيبك ام يكفي احساسك بيه؟
اكيد طبعا احب اسمع منه كلام حب بس مش على طول لان الحب عندى مش كلام وبس لا انا اقدر اسمع منه كلام فى سكوته وفى نظرته ده بيبقى كلام اكتر من الكلام اللى بيقوله بشفايفه.