عصابات منتدى كرانشى

من طرف **الجزار** الثلاثاء أكتوبر 23, 2007 11:53 pm

بس الله الرحمن الرحيم

انا شوفت الموضوع ده فى كذا منتد وعجبتنى الفكره بتاعته اوى

ان يكون فى عصابات فى المنتدى

بس مش بالمعنى الحرفى يعنى

بس ان يكون فى فرق فى المنتدى

وكل فريق يحاول ان يضع اكبر عدد من المواضيع المثيره والمواضيع المهمه فى كل الاقسام الموجوده

بس المهم الى احنا هانعوز واحد يعمل الحكم ويخنار اعضاء الفريق وانا

بيتهيال اجدر واحد فى الموضوع ده هايكون كرانشى

لانه هو الى هايحكم فى الاخر

مين الى هايكسب

ودى فكره والى موافق عليها يرد ويقول موافق والى مش موافق يقول مش موافق

ونشوف راى الاغلبيه

لوز

اخوكم صاحب مزااااج

من طرف ms_roze الأربعاء أكتوبر 24, 2007 2:39 am

وانا موافقه

من طرف t0ota MIX الأربعاء أكتوبر 24, 2007 8:36 am

عصاباااااااااااات احب انا الحوار ده

معاك يا معلم Smile

من طرف **الجزار** الأربعاء أكتوبر 24, 2007 4:18 pm

لوز يا جماعه الدور على كرانشى انو يختار الفرق علشان نبدا

يلا فينك يا كرانشى

من طرف **cranshy** الأربعاء أكتوبر 24, 2007 6:30 pm

انا معااااااااااااااااااااكم ومواااافق على اللعبة

من طرف **cranshy** الأربعاء أكتوبر 24, 2007 6:32 pm

بس انتة مش موضح هيبقوا كام فريق والفريق من كام عضو وكمان هتبقى فى كل قسم مجموعة ولا اية النظام

من طرف **الجزار** الأربعاء أكتوبر 24, 2007 10:40 pm

انا قلت يا كرانشى ان انت هتبقى الحكم بين الفرق

وانت الى هتختار الفرق وكام واحد هيبقى فى الفريق لان انت ادرى واحد بالبيدخل المنتدى

والى نشيط فيه

وانت اقدر واحد يحكم فى الكلام ده

وشوف كده وقولى رايك

من طرف **cranshy** الخميس أكتوبر 25, 2007 11:01 pm

اوكى هنبتدى بفريقين هيبقى

الفريق الاول

1 مزاجوووووو

2 دى جى توتا

3 love love

4 ابو على

الفريق التانى

1 نونى اليكس

2 اميرة

3 مس روز

4 مودا للايف

من طرف **nony alex** الخميس أكتوبر 25, 2007 11:20 pm

اشطه انا كده في الفريق التاني بس ممكن اعرف ايه اللي حيحصل بالظبط

وحشتونييييييييييييييييييييييييي

من طرف **الجزار** السبت أكتوبر 27, 2007 1:43 pm

نقوليك يا نونى

دلوقتى كرانشى عمل فريقين

هانعمل مسابقه الى هايعمل اكتر مواضيع

واحسن ردود

هو الى هايكسب

وياريت يا كرانشى تعمل مده للعبه دى اوكيز

بس ممكن نستنى ليوم الخميس ده بعد ازنك وازن الناس الى معانا لانى انا فى مصر دلوقتى فى شغل وهاجى يوم الخميس

اوكيز

من طرف **cranshy** السبت أكتوبر 27, 2007 3:37 pm

اوووووووووووووووووووووك يا مزاااااااااجوووووووووووووووووو

ترجع بالف سلامة

من طرف t0ota MIX السبت أكتوبر 27, 2007 8:41 pm

هيييييييييييييييه
انا فى الفريق الاول اشطه
يلا يوم الخميس يوم الخميس
يكون استعديت ده انا هظبطكم يا فريق تانى

ترجع بسلام يا مزاجووووو

من طرف **الجزار** الأحد أكتوبر 28, 2007 2:06 pm

الف شكر يا كرانشى

ويا توتا

بقوليك خلينا متواضعين علشان ربنا يسترها معانا

والنبى لانخليكم تشدو فى شعركم يا قريق تانى

مع مزااااااااااااااااااااااجو مش هاتقدر تحرك الماوس

من طرف Mr:ABO ALI الأربعاء أكتوبر 31, 2007 4:31 pm

ماشى ماشى ماشى ماشى انا ممعاكو

احلى فريق حصل وياريت اعرف اللعبه حتبتدى امتى
عشااااااااان اجهز

من طرف t0ota MIX الخميس نوفمبر 01, 2007 8:14 am

النهارده يا ابو على
لازم تجهز النهارده وتجهز اجمد مواضيع

من طرف t0ota MIX الخميس نوفمبر 01, 2007 8:49 am

النهارده يا ابو على
لازم تجهز النهارده وتجهز اجمد مواضيع

من طرف Mr:ABO ALI الخميس نوفمبر 01, 2007 1:02 pm

والله انا جاهز اولهم موضوع عمرو دياب بتاع الmusic award

من طرف **الجزار** الخميس نوفمبر 01, 2007 7:17 pm

اشطه يا نااااااااااااااااااس

ready ... ready

ready

fire

مزجانجى

من طرف **boda42** الجمعة نوفمبر 02, 2007 12:41 pm

اللللللللل وانا لأ

طيب اية الحوار والكلام على مين ؟؟؟؟؟؟؟؟

من طرف **cranshy** الجمعة نوفمبر 02, 2007 1:29 pm

على فكرة اللعبة بدات يااااا جماااعة

ومش تخاف يا بودا انتة في الاسبوع الجااااااااى

من طرف modaia_life السبت نوفمبر 03, 2007 8:31 pm

هههههههههههههههههههه

دي ضحكه عادل ادهم تعرفوه ولا لا

عامه انا معرفوش بس سمعت ان عادل ادهم تلميذ مدرسه مودايا لايف للمافيا والتخريب

على فكره اخر اعمال المدرسه هي برج التجاره العلمي مش العالمي

كل الناس بتفتكر بن لادن هو اللي عملها ...اغبيه

اعرفكم بنفسي

انا بقى ...................مودايا لايف

لو حد ميعرفنيش يبقى احسن ليه انه يموت نفسه لاني حجييله

حتى لو كان نايم وتحت البطنيه كماااااااااااااان

هوهوهوهوهوهوهوهوهوهوهو

جالك الموت يا تارك الصلاه

حنشوف مين اللي هيكسب يا بشر

من طرف t0ota MIX السبت نوفمبر 03, 2007 8:46 pm

هههههههههههههههههههههههه

يابنى شوف الشغل بتاعنا وانت

تعرف مين االلى هيكسب

عيب يابنى ده احنا عصابه مزاجو

من طرف modaia_life السبت نوفمبر 03, 2007 9:16 pm

هنشوف ايرادات فيلم

يبقى انت اكيد في مصر!

هنشوف وكفايه انا معايا

عصابات

اولا.نوني اليكس صاحبه عصابه مستر اكس عرفاها اللي اتعملت افلام.

ثانيا.دكتوره اميره يعني المشرحه والموتى ومصاصين الدماء برضك عملو عنها

افلام في هوليود

ثالثا.رووووووووز رصيدها معروف في الجرايم بس دي عندها مفاعل نوووووي

فيلم الرهينه متصور في المفاعل بتاعها.

انتو بقى مييييييييييييييييييين

من طرف bosy الثلاثاء نوفمبر 06, 2007 3:39 pm

بقه كده يا كرانشى انا مش معاهم ماشى ماشى ايى ايى ايى ايى ياى

من طرف t0ota MIX السبت نوفمبر 10, 2007 1:48 pm

ههههههههههههههههههههههههههههههههههه

تصدق يا محمود انا ماعرفش حد فيهم
بس اعرف انهم( لذيذ) شوف انت جمعها ايه واجمعها Smile

واعرف انهم فى كليات كليات ايه بقى
الله واعلم
اه اه واعلم ان كل الفريق ولاد الا انا الوحيده البنت
وعلى ما اعتقد ان انا اصغر واحده فيهم

من طرف t0ota MIX السبت نوفمبر 10, 2007 1:59 pm

بس ولا ازعلك اقولك احنا ميييييييييييييييييييين

اولا مزاجو ده بقى بتاع المزاج بتاعنا

بيظبطنا علطول

فى المزاجر وطبعا مظبطكم انتوا كمان ماحدش يعدى من تحت ايده

غير لما يكون دماغو فى العالى اووووووووووى

ثانيا ابو على اكيد انت عارف هو ميييييييييييييين

ده اللى مقطع السمك وديلها مافيش بنت بتعدى من تحت ايده غير

لما تكون بتموت فيها وطبعا هو مكسركم يابنى

ثالثا love love واللهى مااعرفه بس ايه جبااااااااااار

ماحدش يعرفه لانه متخفى ديما Smile

رابعا انا مافيش منطقه مش بدخلها غير لما اعمل فيها مشاكل

كتييييييييييييييييير مع كبير وصغير

واكبر نصابه فيكى يا مصر ماحدش يعدى من جنبى غير لما انصب عليه

نصب نصب

كفايه كلام احسن اتقفش واروح فى داهيه

من طرف **cranshy** السبت نوفمبر 10, 2007 2:51 pm

او احب اقول لبوسى انك هتكونى موجودة المرة الجاية

ثانيا احب اقول لتوتا مكس ان love love دية بنت مش ولد

من طرف t0ota MIX السبت نوفمبر 10, 2007 3:16 pm

يا راجل

وانا زى العبيطه فاكره انها ولد

سوووووووووووورى بجد ماكنتش اعرف

واللهى سووورى Shocked

من طرف modaia_life الأحد نوفمبر 11, 2007 5:00 pm

جمع <لذيذ> >لذاذ<

من طرف **الجزار** الثلاثاء نوفمبر 13, 2007 12:38 pm

مساااائو فى الذيذ يا جماعه

اولا يا عم محمود موديا الى انت بتقوله ده مش ينفع

احنا يا عم مش جبارين زى ما توتا بتقول كده توتا تشكر على الىى هى قالته

بس المفروض من نتكلم فى حورات فاضيه المفروض تورينى الشغل الى انت بتعمله

او تورينا

ولا الكلام على ايه

ويلا يا ناس علشان ننجز ونشوف الشغل

معكم مزاااااااااااااااجو

من طرف Mr:ABO ALI الثلاثاء نوفمبر 13, 2007 1:28 pm

احم احم احم احم احم ........... عندك يا مودايا خلى بالك انت بتلعب مع مين

ده احنا مسحناكو من المنتدى فين المواضيع يا برنس احنا الى شغالين

واسمع احلى سلام لمزاجو وتوتاااااااا وlove love

مع تحياتى /Mr:ABO ALI

من طرف modaia_life الثلاثاء نوفمبر 13, 2007 2:08 pm

يبقى انت كده بتثبت للناس يا ابو علي ان مبتدخلش المنتدى

ادخل وشوف يا مان المواضيع الجباره المكتوبه

سلاااااااااااااام يا مان

من طرف **الجزار** الخميس نوفمبر 15, 2007 8:17 am

احنا مش قولنا مش عاوزين كلام كتير

عاوزين شغل

والباشا بتعنا هو الى هايحكم فى الاخر

ويا موديا الكلام ده كله مش ليه لازمه دلوقتى علشان زى ما ابو على بيقول شغلكم فين والمواضيع الجباره دى

عاوز اشوفها والنبى ابعتلى الرابط بتعها

وسلامى ليك يا ابو على يا برنس الليالى

وللعثوله توتا والجشطه love love

من طرف modaia_life الخميس نوفمبر 15, 2007 12:29 pm

انا مش هرد لاني واضح اني بتكلم في وادي وانت في وادي خالص

يا مزاجو باشا اقرا اللي انا كاتبه لاحمد بو علي

ياااااااااااريت والنبي تقرا كويس

وبعدين

اقرا الرد بتاعك

لو ضحكتش يبقى ليك الكلام

من طرف **الجزار** الجمعة نوفمبر 16, 2007 11:13 am

معنى الى انا بقوله الى المواضيع مش فى المستوى مش على الى قصده

وهانشوف يا باشا

يلا يا جماعه فين الشغل

من طرف **cranshy** الجمعة نوفمبر 16, 2007 7:23 pm

يا جمااااعة اخر يوم النهارة وسيتم اعلان النتيجة غدا السبت يااااااا جمااااعة
وياريت تهدوا شوية لان النتيجة هى اللى هتحكم ومش هنقول النتيجة غير لما كل واحد من المتسابقين يكتب لينكات مواضيعة علشان نقيم يا جماااااااعة
بس ياريت بسرررررررررعة

من طرف **cranshy** الجمعة نوفمبر 16, 2007 7:28 pm

واى متسابق لم يقم بوضع لينكات مواضيعة اللى بدات مع بداية المسابقة سيتم وضع علامة على هذا العضو مما يودى الى تقليل مستوى فريقة

شكرررررا

اولا مساء الخير على الجميع او صباح الخير فى اى تقرواها
وبقول لتوتا مكس ولا يهمك انك على انك مش عارفه انى ولد ولا بنت يالله مسامحكى وهاعفو عنك ههههه انا بهزار معاكى
وشكرا على التحيات والسلامات واللى كل اللى جاب فى سيرتى وانا مش موجوده بس واللله ياجماعه كنت بتمنى اشارك فى اللعبه بس تقوله ايه حكم القوى
وكمان عايزه اقول حاجه انكم واحشتنى جدا واول ما النت رجع انا دخلت على كرانشى على طول وسلاااااااااااااام

من طرف **الجزار** الأحد نوفمبر 18, 2007 6:01 pm

يا مرحب بيكى يا love love الى بيتيك التانى

وثانيا ولا يهمك على انك مش حضرتى ان شاء الله هانعمل واحده تانيه

علشان كلها يشاركو فيها

واستسمحكوا فى اقتراح بلاش موضوع النكات بتاعت المواضيع

انت العب مع نفسك كده وشوف كل واحد عمل كام رد جميل وكام موضوع شيق

وده شغلك يا كرانشى باشا الى انت المفروض تعمله الى انت تدعبث على الحاجت دى علشان كان المضروض زى النهارده النتيجه النهائيه

وارجو الاهتمام بهذا الكلام

وعاااااااااااااادى يا جماعه

اه نسيت اكيد هاتكتب كل واحد مسهماته كام مساهمه

يلا معلش انى طولت عليكم

كان معكم من قناه كرانشى للاخبار

9 ملى

المراسل

مزااااااااااااااااااااااااجو

من طرف **الجزار** الأحد نوفمبر 18, 2007 8:19 pm

ولو مش موفقين عاااااااااجى

الروابط بتاعتى المواضيع بتاعى اهى

ولكم تحياتى

زااجووووووووو

من طرف **cranshy** الإثنين نوفمبر 19, 2007 7:09 pm

ياريت من باقى الاعضاء وضع الروابط واللى مش هيجيب لينكات المواضيع الفريق المنافس هو اللى هيفوز

من طرف **nony alex** الإثنين نوفمبر 19, 2007 9:56 pm

دي شغلانه انا بقي مش حجيبها

من طرف modaia_life الإثنين نوفمبر 19, 2007 11:14 pm

انت عارف كويس ان انا مش فاضي .

العمليه دي عاوزه جهد .

فيااااااااريت متبقاش زي العرجون و تظلمنا .

من طرف **nony alex** الثلاثاء نوفمبر 20, 2007 12:20 am

عندك حق يا مودايا

بس ممكن اعرف يعني ايه العرجون Question

من طرف **الجزار** الثلاثاء نوفمبر 20, 2007 8:34 am

ايه يا عم

اامال ايه الشغل الشغل ده

يا ستى توتا

هاتى اللنكات بتاعت المواضيع بتاعتك وهات يا كرانشى معلش مواضيع موديا ونونى

لو انت فاضى علشان نخلص من الحوار ده

يلا وانا معاكم

مزااااااااجو

من طرف modaia_life الأربعاء نوفمبر 21, 2007 10:19 pm

العرجون هو اسم الحكم بتاع ماتش الاهلي والنجم الساحلي

اللي ظلمنا

من طرف t0ota MIX الخميس نوفمبر 22, 2007 8:01 am

ايه ده ايه ده
انا اغيب اسبوع وكام يوم ارجع
الاقيكم كده فى ايه يابنى انت وهو Smile

سورى يا love واللهى يابنتى ماكنت اعرف انك
بنت سووووورى
وبعدين خدو هناااااااااا
هو مين اللى كسب احنا ولا الفريق التاااانى
يارب نكون احنااااااااااااااااااااا

من طرف **cranshy** الخميس نوفمبر 22, 2007 6:02 pm

اللى مش هيحط اللينكات مش هيكسب علشان انا مش هشم على طهر ايدى

من طرف t0ota MIX الجمعة نوفمبر 23, 2007 1:17 am

من طرف **cranshy** الثلاثاء نوفمبر 27, 2007 10:38 am

بصوا يا جمااعة انا مش عايز الناس تزعل بسبب العب اللى مش عايز يحط لينكاتة ياريت يحط اسامى المواضيع غير كدة انا مش مسئول

وعلى فكرة لغاية دلوقتى فريق مزاجو هو المتقدم ودة علشان هما حطوا مواضيعهم كلها

وانا هصبر عليكم لغاية يوم الخميس